Vschinauncha burgaisa
La vschinauncha burgaisa es üna corporaziun dal dret public cun differentas incumbenzas, in prüma lingia conceder il dret da vschinedi ed administrer noss bains. Tar quels tuochan chamannas, gods, alps ed oters terrains. Ils organs da la comunited dals vschins sun la radunanza dals vschins, il cussagl vschinel (la suprastanza dals vschins) ed ils revisuors da quint. Actuelmaing cumpiglia nossa comunited arduond 300 vschinas e vschins chi vivan a Samedan.
Cussagl vschinel
Prüm cuvih: Dumeng Clavuot
Nuder: Andri Lüthi
Burser: Gian Andrea Duttweiler
Seguond cuvih: Claudia Nievergelt
Commember dal cussagl vschinel: Corado Vondrasek
Suppleanta: Sidonia Klainguti
Suppleant: René Donat
Da dretta: Gian Andrea Duttweiler, Corado Vondrasek, Andri Lüthi, Dumeng Clavuot, Claudia Nievergelt e Sidonia Klainguti (René Donatz mauncha). Foto: Andri Lüthi
Contact
dumeng.clavuot@mobi.ch
Vschinedi
Per dumandas davart l’acquist da vschinedi as po consulter la pagina d’internet da l’uffizi da migraziun e da dret civil:
https://www.gr.ch/RM/instituziuns/administraziun/djsg/afm/servetschs/natiralisaziun/Seiten/default.aspx
Persunas dal Grischun chi vöglian acquister il vschinedi da Samedan ans paun contacter directamaing.
Actuel
Proget Promulins
Nos böt es da construir sün duos da nossas parcellas da terrain giò Promulins ca. 60 abitaziuns pajablas per der a fit ad indigens. Il proget es già avanzo fich bain e vain accumpagno dal perit Giancarlo Bosch scu cusglieder. La concurrenza d’architectura ho guadagno il büro d’architectura Stücheli Pestalozzi Schiratzki. In seguit s’ho la suprastanza dals vschins indreschida a reguard pussibels models d’organisaziun chi portan il proget e furmo duos gruppas da lavur: üna cumischiun da fabrica chi elavurescha il proget vandscheder d’architectura, il plan da quartier e tuot l’ulteriur andamaint da fabrica ed üna cumischiun chi s’occupa dal model purteder dal proget. Las duos cumischiuns as cumpuonan da trais differents commembers da la suprastanza e sar Gian Carlo Bosch. Fin uossa nun ho que do grands intops ed i’l meglder cas pudaron gnir retrattas las abitaziuns da la prüma etappa da construcziun vers la fin dal 2028.
Proget_Promulins.pdf [pdf, 6.2 MB]
Missivas
Vegnan publichedas cò in cas cha que do missivas actuelas.
Documaints da basa
Tschantamaints da la vschinauncha burgaisa Samedan.pdf [pdf, 9.9 MB]
Model directiv da la vschinauncha burgaisa Samedan.pdf [pdf, 30 KB]