Permiss da mner ün’ustaria
Tenor l‘art. 5 da la ledscha chantunela d’ustaria vain il permiss da mner ün’ustaria concessa ad üna persuna abla d’agir e da buna reputaziun, chi’d es respunsabla per la gestiun. Scu persuna da reputaziun na buna vela:
- chi chi ho – düraunt ils ultims 5 ans – surpasso repetidamaing u in möd agravant prescripziuns da la ledscha chantunela u cumünela d’ustaria u da la ledscha federela u chantunela da victuaglias;
- chi chi’d es gnieu sentenzcho püssas voutas düraunt ils ultims 5 ans i’l register penel in connex culla gestiun d’ün’ustaria u cul commerzi da detagl cun vinars;
- chi chi’d es sto in praschun per pü cu 18 mais avaunt main cu 5 ans.
Chi chi inoltrescha üna dumanda, ho da confermer cun sia suottascripziun d’avair cugnuschentscha da las prescripziuns correspundentas (ledscha d’ustaria da la vschinauncha da Samedan, ledscha d’ustaria pel chantun Grischun, dispusiziuns executivas per la ledscha d’ustaria) e d’accumplir las premissas leghelas.
Impü faun ouravaunt dabsögn ils seguaints documaints per survgnir il permiss:
- dumanda.pdf [pdf, 3.4 MB] per ün permiss da la vschinauncha da Samedan da mner ün'ustaria
- extrat dal register penel (Uffizi federel da güstia); l’extrat po eir gnir pusto tar mincha büro da la posta.
- dumanda per la cumprouva d'üna gestiun incontestabla
Formulers dal Chantun
Al Chantun sun d'inoltrer ils seguaints formulers, Uffizi da sgürezza da victuaglias e per la sandet da bes-chas dal Grischun, fats d'ustarias, Plantaterrastrasse 11, 7001 Cuira
1114 formuler d'annunzcha per gestiuns da victuaglias e d'ogents d'adöver.pdf [pdf, 162 KB]
dumanda per la cumprouva d'üna gestiun incontestabla.docx [docx, 67 KB]
1935 dumanda per ün permiss da servir e da fer commerzi da detagl cun vinars.pdf [pdf, 139 KB]
Ils formulers da dumanda manzunos survart paun eir gnir retrats directamaing tal büro cumünel.
Ulteriuras infurmaziuns
Uffizi per la segirezza da victualias e per la sandad d'animals