Votants e votantas
Legislativa
Las votantas e’ls votants rapreschaintan l’autorited suprema.
Votaziun a l’urna
- appruvaziun, müdamaints e cumplettaziuns da la constituziun cumünela
- tscherna dal president cumünel, dals commembers da la suprastanza cumünela e da la cumischiun sindicatoria
- dumandas da credit da passa fr. 3 milliuns
- decisiuns davart credits per spaisas unicas da fr. 500’000, chi sun naschidas düraunt üna radunanza cumünela cunter la proposta da la suprastanza
- dumandas d’iniziativa davart spaisas unicas da passa fr. 500’000
- decisiuns da credit da la suprastanza cumünela (passa fr. 20’001) u da la radunanza cumünela (passa fr. 70'001) cunter las quelas es reuschieu il referendum facultativ
Radunanza cumünela
- appruvaziun, müdamaints e cumplettaziuns da las ledschas cumünelas
- preventiv e rendaquint cumünel, fixaziun dal pè d’impostas
- credits fin a fr. 3 milliuns
- fatschendas
Protocols da la radunanza cumünela
Drets politics
| Dret da vuscher e da gnir tschernieu | Il dret da vuscher in fatschendas cumünelas haun vschins dal lö, chi sun domicilios a Samedan, scu eir vschins svizzers, chi sun domicilios a Samedan ed haun cumplieu 18 ans. |
|---|---|
| Dret d’iniziativa | Per ch’ün’iniziativa saja reuschida, stöglian esser avaunt maun 300 suottascripziuns da persunas, chi haun il dret da vuscher in fatschendas cumünelas. La votaziun davart iniziativas valablas succeda infra 6 mais. |
| Dret da referendum | Decisiuns da credit da la suprastanza cumünela traunter fr 20’001 e 70’000 e da la radunanza cumünela traunter fr. 70’001 e 3 milliuns suottastaun al referendum facultativ. 175 votantas e votants paun pretender infra 14 dis üna votaziun a l’urna. |
| Dret da petiziun | Il dret da petiziun es garantieu. Petiziuns sun d’inoltrer in scrit. |
Tschernas, votaziuns
Votaziun antecipeda
Gövgia e venderdi al fnestrigl da la Servezzans d'abitants in üna busta serreda düraunt las uras da avertüra dal fnestrigl
Local da votaziun Chesa cumünela - L'urna es avierta:
| Urari da votaziun: | |
|---|---|
| dumengia da la votaziun | 09.30 - 10.30 |
Votaziun per charta fin a las 10.30 da la dumengia da la votaziun (bütter aint illa chartera da l’administraziun cumünela).