La Padella Abonnement

S-chaffir fiduzcha ed incletta tres infurmaziun! Tenor quist motto vöglian las autoriteds ed ils uffizis da la vschinauncha politica da Samedan infurmer offensiv- e transparentamaing davart las activiteds "in chesa cumünela". La pressa locala rapporta regulermaing davart las fatschendas actuelas.

Impü aintra il fögl d'infurmaziun cumünel "La Padella" pü in detagl in singulas fatschendas chi sun d'importanza speciela per la populaziun. Ün segn caracteristic da "La Padella" es il fat, ch'ella nun es la plattafuorma be da las autoriteds, dimpersè eir da tuot las societeds indigenas, dals partieus politics locals, da Samedan Tourist Information, da las pravendas, dad organisaziuns d'ütil public ed eir da privats.

Grazcha a la cooperaziun da tuot ils partecipos intermediescha "La Padella" infurmaziuns e chosas interessantas davart las activiteds quotidiaunas in vschinauncha – ella es dimena il spievel politic, culturel e sociel da Samedan. "La Padella" cumpera mincha fin dal mais, cun excepziun dal mais meg. Ella vain distribuida gratuitamaing a tuot las chasedas ed abitaziuns da vacanzas samedrinas.

Contribuziuns paun adüna gnir tramissas a l'administraziun cumünela per mauns da la redacziun, e que sün palperi u preferidamaing in fuorma digitela (gemeinde@samedan.gr.ch). La fin da redacziun es adüna ils 15 dal mais precedaint.