Info-Veranstaltung Photovoltaik-Grossanlage am 19. Juni 2024
I'l ram da l'offensiva solara da la Confederaziun dess gnir realiso illa planüra da la plazz'aviatica a Samedan ün implaunt fotovoltaic. Quel vain planiso da la societed "ENERGIA SOLARA ENGIADINAISA" chi consista dad Energia Samedan e la TNC Consulting SA.
La radunanza cumünela da Samedan ho do glüsch verda al proget in lügl 2023 - cun 168 invers 105 vuschs.
Per il permiss da l'implaunt fotovoltaic stu da vschinauncha der sieu consentimaint scu possessura da la parzella nr 1985. Que capita tres ün contrat da servitüt. Davart quel decida la radunanza cumünela ils 11 lügl 2024.
La parcella 1985 es 74'592 m2 (7.5 ha) granda e fo cun que oura bun ün terz da l'inter perimeter da proget.
Ils 19 gün 2024 invida la "ENERGIA SOLARA ENGIADINAISA" la populaziun e tuot ils interessos ad ün'infurmaziun publica, per preschanter aunch'üna vouta il proget e per respuonder dumandas. Quell'infurmaziun ho lö las 19.00 uras aint la sela cumünela da Samedan.