Pulizia
Las incumbenzas da la pulizia cumünela vegnan accumplidas daspö ils 1. december 2007 da la pulizia chantunela grischuna. Respunsabel es il post da pulizia da Samedan.
Kantonspolizei Graubünden
PSP Oberengadin-Bergell
Cho d'Punt Dadour 92
7503 Samedan
tel. 081 257 76 80
clam d’urgenza 117
Chesa da parker Bellevue
La chesa da parker Bellevue es gnida avierta als 4 december 2010 e cumpiglia 75 plazzas da parker publicas. Grazcha a l’access sur la Via Retica e la sortida tar la Via Crappun rivan ils visitaduors directamaing aint il center istoric da Samedan.
Cartas permanentas
La vschinauncha venda 50 cartas permanentas (plazzas na reservedas). Ellas paun gnir retrattas i’l secretariat da l’administraziun cumünela. Ad es da pajer ün deposit da CHF 50.
Glista da predschs per las cartas permanentas
| 1 an | 1/2 an | 1 mais |
| 1'500.00 | 870.00 | 150.00 |
Cartas da saldo
Las cartas da saldo as po retrer i’l secretariat da l’administraziun cumünela cunter ün deposit da CHF 20. Ellas paun gnir chargedas a la chascha da la chesa da parker cun imports da CHF 20, 50 u 100. La tariffa da parker vain automaticamaing subtraheda cun inserir la carta a l’entreda ed a la sortida, fin cha l’import chargio es consümo. Cotres nu’s stu pajer separedamaing mincha vouta cha’s parca. La carta da saldo s’adatta impustüt per persunas chi parcan be minchataunt aint illa chesa da parker. A velan las solitas tariffas. Las tariffas da di e da not as chatta illa datoteca PDF "Parkgebühren" sün quista pagina.
Informationen/Richtlinien Benutzung Parkhaus Bellevue.pdf [pdf, 363 KB]
Informazioni/Direttive per l'uso del parcheggio Bellevue.pdf [pdf, 363 KB]
Cartas da parker
I’l secretariat da l’administraziun cumünela as po retrer cartas da parker per qualunque düreda (1 di fin ad 1 an). Las cartas sun valablas pels seguaints parkegis:
- carta melna = staziun e Veglia plazza da glatsch
- carta cotschna = staziun, Veglia plazza da glatsch, Promulins, chesa da scoula Puoz, Cho d'Punt e Ruppanner
Cartas da parker vendidas nu vegnan restituidas.
Düraunt la stagiun morta as po parker gratuitamaing süllas plazzas manzunedas survart. Da prümavaira cumainza la stagiun morta als 15 avrigl ubain – scha Pasqua ho lö zieva ils 15 avrigl – in mardi zieva Pasqua e düra fin als 14 gün. D’utuon cumainza la stagiun morta als 1. november e düra fin als 14 december.
Glista da predschs per las cartas da parker
| 1 an | 1/2 an | 1 mais | 1 eivna | 1 di | |
|---|---|---|---|---|---|
| staziun e Sper l'En (zona 12, 11) |
400.00 | 200.00 | 50.00 | 20.00 | 4.00 |
| Sper l'En, staziun, Ruppanner Sur Puoz, Puoz, chesa da scoula Promulins, Cho d'Punt (zona 11, 12, 10, 9, 9, 7, 1, 13) |
500.00 | 250.00 | 65.00 | 30.00 | 5.00 |
| Funtanella (be da sted) (zona 8) |
50.00 | 20.00 | 4.00 |
Süls parkegis illa zona da minz nu velan las cartas da parker. Ils predschs per tuot ils parkegis as chatta illa datoteca PDF.
Parkgebühren [PDF, 149 KB] Parkplatzübersicht.pdf [pdf, 811 KB]
Bestellformular Parkkarten.pdf [pdf, 3.1 MB]
Stedi da las vias
Infurmaziuns davart il stedi da las vias as chatta sur il seguaint linc: www.strassen.gr.ch