Direkt zum Inhalt springen

Suchformular

La lingua rumauntscha

 

romanisches WoerterbuchIl rumauntsch es üna lingua neo-latina e cotres paraint cul taliaun, spagnöl, portugais, frances etc. Na-schieu scu resultat da la sintesa dal vegl retic e’l latin vulgar dals Romauns, d’eira il retorumauntsch üna vouta deraso dal Danubi superiur fin tal Mer adriatic. Da quelo sun restedas ün pêr islas linguisticas isoledas i’l Grischun, i’l Friul ed illas Dolomitas. Tuottüna vulainsa mantgnair nossa lingua; na be, perche ch’ella es preziusa scu ierta culturela e perche ch’ella ans pussibiltescha la vicinanza profitabla cullas otras linguas neolatinas. Eir perche ch’ella ans permetta üna bilinguited avanzeda cun tuot ils avantags cumpruvos da la scienza, scu per exaimpel üna pü granda flexibilted intellectuela e creativa u la capacited d’imprender pü svelt otras linguas. Perque fo Samedan grands sforzs per augmanter darcho la preschentscha dal rumauntsch illa vita da mincha di e d’animer la populaziun (eir rumauntscha) d’imprender, druver e promouver quista bella lingua. Nos böt: Rumauntsch e tudas-ch vegnan almain inclets da mincha Samedrin(a).