Direkt zum Inhalt springen

Suchformular

Autoriteds

 

Legislativa

Las votantas e’ls votants rapreschaintan l’autorited suprema.


Votaziun a l’urna

  • appruvaziun, müdamaints e cumplettaziuns da la constituziun cumünela
  • tscherna dal president cumünel, dals commembers da la suprastanza cumünela e da la cumischiun sindicatoria
  • dumandas da credit da passa fr. 3 milliuns
  • decisiuns davart credits per spaisas unicas da fr. 500’000, chi sun naschidas düraunt üna radunanza cumünela cunter la proposta da la suprastanza
  • dumandas d’iniziativa davart spaisas unicas da passa fr. 500’000
  • decisiuns da credit da la suprastanza cumünela (passa fr. 20’001) u da la radunanza cumünela (passa fr. 70'001) cunter las quelas es reuschieu il referendum facultativ

Radunanza cumünela

  • appruvaziun, müdamaints e cumplettaziuns da las ledschas cumünelas
  • preventiv e rendaquint cumünel, fixaziun dal pè d’impostas
  • credits fin a fr. 3 milliuns
  • fatschendas

Executiva

Suprastanza cumünela

La suprastanza cumümela consista dal president cumünel e da ses commembers e vain tschernida a l’urna. Ella funcziuna tenor il sistem da departamaints. La perioda d’uffizi düra quatter ans. Intaunt cha’l president es reelegibel sainza limit da temp, exista pels commembers üna limitaziun d’uffizi da dudesch ans. Las tschernas haun lö in november.

Per regla as raduna la suprastanza mincha duos eivnas il mardi. La glista da tractandas vain publicheda sülla tevla naira. Davart las trattativas vain regulermaing infurmo illa pressa scu eir illa giazettina locala “La Padella”.

Cumischiun sindicatoria

La cumischiun sindicatoria consista da trais commembers e vain tschernida a l’urna. La perioda d’uffizi düra quatter ans. Mincha commember es elegibel trais voutas üna zieva l’otra.

Perioda d’uffizi 2021 - 2024

Suprastanza cumünela 1 president
6 suprastants cumünels
Finanzas ed economia Niggli Gian Peter, president cumünel (PLD. Ils Liberels)
Furmaziun e fats sociels Bisaz Alice (PLD. Ils Liberels)
Turissem, cultura e temp liber Parolini Andrea (independent)
Trafic Sutter Gian (PLD. Ils Liberels)
Ambiaint Manzoni Silvano (independent)
Fabrica e planisaziun La Fata Paolo (AdC)
Sgürezza publica Melchior Gian Reto (independent)
Cumischiun da gestiun (CdG) 3 commembers
  Raschle Christoph, president CdG (independent)
  Nievergelt Giston Claudia (PLD. Ils Liberels)
  Pfister Urs (PLD. Ils Liberels)