Inchasch da las taxas da cura
Il post d'inchasch da las taxas da cura es il post da consultaziun per tuot las dumandas concernent las taxas da cura. El es respunsabel per la facturaziun da las taxas da cura individuelas e pauschelas scu eir da las taxas da trafic e la pauschela da trafic.
Contact
Nadia Fusari
telefon: 081 851 07 12
e-mail kurtaxe@samedan.gr.ch
Inchasch da las taxas da cura: administraziun da finanzas da la vschinauncha da Samedan
Colliaziuns da banca: Banca Chantunela Grischuna, 7002 Cuira
code IBAN: CH44 0077 4130 1342 9320 0
Champ d'incumbenzas
- post d'infurmaziun per tuot las dumandas in connex cullas taxas da cura
- inchasch da las taxas da cura individuelas
- inchasch da las taxas da cura dals hotels
In basa a l'art. 44 da la ledscha chantunela da vschinaunchas dals 24 avrigl 1974 scu eir da l'art. 70 da la constituziun cumünela dals 8 lügl 2004 ho la vschinauncha da Samedan decreto la ledscha davart las taxas da cura 10.101 scu eir la dispusiziun executiva concernent la ledscha 10.103 davart las taxas da cura.
La vschinauncha da Samedan inchascha üna taxa da cura per promouver il lö da cura, vacanzas e sport. Il richev vain druvo i'l interess dals giasts. In generel as po disferenzcher traunter las taxas individuelas e las taxas pauschelas.
Taxas da cura individuelas
Mincha giast, chi pernottescha a Samedan ed ho la pussibilted da trer a nüz la spüerta turistica, ho da pajer üna taxa da cura individuela. La taxa vain inchascheda per pernottaziun.
Taxas da cura pauschelas
Possessuors, ütiliseders e fittadins stabels da chesas ed abitaziuns da vacanzas, da staunzas privatas e rulottas sun oblios da pajer la taxa da cura per se e per lur confamiliers in fuorma d'üna pauschela annuela, e que independentamaing da la düreda e frequenza dal sogiuorn.
Taxas da trafic e pauschelas da trafic
Mincha allogeder/osp ho da pajer üna taxa da trafic per mincha pernottaziun da sieus giasts. Ils possessuors da chesas ed abitaziuns da vacanzas haun da sburser üna pauschela da trafic annuela.
Oblig da taxas da cura e trafic
Mincha giast, chi pernottescha a Samedan, ho da pajer üna taxa da cura ed üna taxa da trafic. Ün giast i'l sen da la ledscha es mincha persuna natürela chi ho la pussibilted da trer a nüz la spüerta turistica, sainza ch'ella vess il domicil da dret fiscal. Possess da terrain in vschinauncha chaschunescha bainschi l'oblig d'impostas, però na la dispensaziun da la taxa da cura. La taxa da cura vain inchascheda per pernottaziun dal giast. Per persunas a partir da 12 ans velan las seguaintas tariffas:
perioda |
taxa da cura |
taxa da trafic |
totel |
01. meg fin 31 meg |
fr. 1.35 |
fr. 0.40 |
fr. 1.75 |
01. gün fin 31 october |
fr. 3.00 |
fr.0.25 |
fr. 3.25 |
01. november fin 30 november |
fr. 1.35 |
fr. 0.25 |
fr. 1.60 |
01. december fin 30 avrigl |
fr. 3.00 |
fr. 0.40 |
fr. 3.40 |
La ledscha davart las taxas da cura as chatta suot punct 10 Turissem