Servezzan sociel
L'agüd sociel sgüra l'existenza da persunas in bsögn, promouva lur independenza economica e persunela e garantescha l'integraziun sociela e professiunela.
A vain disferenzcho traunter agüd materiel (sustegn public) ed agüd persunel (cussagliaziun sociela).
Ils servezzans sociels regiunels e las vschinaunchas partan las incumbenzas da l'agüd sociel. L'agüd materiel vain prasto da las vschinaunchas, intaunt cha la cussagliaziun sociela es l'incumbenza dals servezzans sociels regiunels. Quists spordschan agüd professiunel a persunas singulas, famiglias, giuvenils e persunas cun problems da dependenza, e que i'ls seguaints champs:
- problems persunels e familiers
- dumandas davart educaziun, divorzi, dret da visita e partenedi
- crisas finanzielas, cussagliaziun da büdschet, sanaziun dals debits
- dumandas davart sgüraunzas socielas
- sclarimaints e dumandas in connex cun iffaunts affidos
- dumandas per contribuziuns da maternited
- dumandas per sustegn public
- dumandas in connex cun mezs da dependenza
Per persunas cun domicil a Samedan es respunsabel il servezzan sociel regiunel da l'Engiadin'Ota-Bergiaglia.
Contact
Servezzan sociel regiunel da l'Engiadin'Ota-Bergiaglia
A l'En 1a
7503 Samedan
tel. 081 257 49 10
e-mail rsd.samedan@soa.gr.ch