Direkt zum Inhalt springen

Suchformular

Commerzi e misteraunza

hauptort in Samedan

Samedan as declera scu lö per intrapraisas pitschnas e mezzaunas. Culla zona da misteraunza da Cho d’Punt dispuona Samedan eir dal territori necessari. Cun da radschun es l’areal da Cho d’Punt gnieu separo i’l "Plaun directiv regiunel davart aglomeraziuns" scu areal regiunel da lavur ed areal regiunel per ütilisaziuns chi drouvan bger spazi ed attiran bger public.

Il center da vschinauncha cun sieus numerus edifizis istorics bain restoros, il Bagn d’ova minerela & spa ed eir las attracziuns culturelas scu la Chesa Planta e la Tuor invida da rester e’s tratgnair ün pô. Il center dal Coop es gnieu spusto a l’ur da la zona da minz, uschè cha’l center da vschinauncha s’ho svödo ün pô. La suprastanza cumünela tschercha cun imsüras planisedas da revitaliser quist center da granda valur. Grazcha a l’iniziativa dad abitantas ed abitants pü vegls s’ho pudieu introdür dal 2011 ün marcho eivnil chi ho lö da sted, e que mincha mardi aunzmezd. In mincha cas voul la vschinauncha mantgnair las plazzas da lavur existentas i’l center e s-chaffir nouvas, perche cha telas sun importantas per üna revitalisaziun dal center da vschinauncha.

Ulteriuras infurmaziuns:
HGV Engadin: www.hgv-engadin.ch
HGV Samedan: www.hgv-samedan.ch/