Provedimaint d'ova
Uffizi da fabrica da Samedan
7503 Samedan
telefon: 081 851 07 16
e-mail: bauamt@samedan.gr.ch
Mneder da l'uffizi da fabrica: Daniel Freitag
Il provedimaint d'ova da la vschinauncha da Samedan vain garantieu tres üna rait da condots da passa 21 km lungezza e duos reservuars cun üna capacited da 1,94 milliuns liters. Daspö il 2006 sun ils provedimaints d'ova da Schlarigna e Puntraschigna unieus cun quel da Samedan, que chi ho amegldro la situaziun da provedimaint. Da sted vain il consüm d'ova cuntanto per 85 % cun ova da funtauna da la Val Champagna e da la regiun Pro Schimun e per 15 % cun ova da fuonz. D'inviern vain Samedan provist cun 75 % ova da fuonz e 25 % ova da funtauna. Il consüm d'ova da Samedan importa in media 3,9 milliuns liters per di. L'intera infrastructura dal provedimain d'ova ho üna valur d'investiziun da var CHF 21 milliuns. Ils pü grands consüments d'ova sun: bügls, Wäscheria, ospidel, lavaduirs d'autos, giasts (da las 17:00 a las 22:00). Düraunt la stagiun ota e dals 15 november fin la fin da schner drouvan ils indrizs d'innaiver passa 2 milliuns liters ova per prodür naiv artificiela. Daspö settember 2011 funcziuna il provedimaint d'ova cun agüd d'üna nouva centrela da cumand. L'infrastructura dal provedimaint d'ova ho contribuieu decisivmaing a la realisaziun d'üna rait cumünela da fibras da vaider.
Qualited da l'ova (mg/L)
Substanzas |
Samedan |
Valser |
Passugger |
Evian |
Aproz |
Elmer |
Rhäzünser |
calzium |
28.80 |
436 |
211.5 |
78 |
365 |
114 |
222 |
magnesium |
8.11 |
54 |
24.6 |
24 |
65 |
7 |
47.2 |
sulfat |
28.20 |
990 |
56.8 |
10 |
910 |
120 |
134.7 |
chlorid |
< 1.1 |
2.5 |
15 |
4.5 |
14 |
1 |
20.0 |
nitrat |
1.0 |
< 0.1 |
> 0.6 |
3.8 |
2 |
1 |
k. Angabe |
Dürezza da l'ova: 9.03 fh (La dürezza da l'ova es ün'imsüra per la quantited da calzium e magnesium scholt aint ill'ova e vain imsüro cun gros da dürezza frances.) La vschinauncha da Samedan ho dimena ova lamma.
Il büschneder cumünel controlla regulermaing l'ova da la rait da distribuziun. Impü fo l'Uffizi per victuaglias e sandet da bes-chas dal Grischun controllas zuppedas. Las analisas reguleras haun musso cha la qualited da l'ova aint illa rait da distribuziun es microbiologicamaing scu eir chemic-fisicalmaing excellenta.
Cumpetenza
Tar disturbis illa rait da condots (ruottadüras dal condot, sbass da la pressiun, inclusiun d'ajer etc.) Als giavüschainsa da telefoner als seguaints numers:
capolavuraint natel: 078 687 40 20
servezzan da piquet dadour il temp da lavur reguler:
natel: 079 851 07 07