La Padella

La Padella - il fögl d'infurmaziun cumünel

S-chaffir fiduzcha ed incletta tres infurmaziun! Tenor quist motto vöglian las autoriteds ed ils uffizis da la vschinauncha politica da Samedan infurmer offensiv- e transparentamaing davart las activiteds "in chesa cumünela". La pressa locala rapporta regulermaing davart las fatschendas actuelas.

Impü aintra il fögl d'infurmaziun cumünel "La Padella" pü in detagl in singulas fatschendas chi sun d'importanza speciela per la populaziun. Ün segn caracteristic da "La Padella" es il fat, ch'ella nun es la plattafuorma be da las autoriteds, dimpersè eir da tuot las societeds indigenas, dals partieus politics locals, da Samedan Tourist Information, da las pravendas, dad organisaziuns d'ütil public ed eir da privats.

Grazcha a la cooperaziun da tuot ils partecipos intermediescha "La Padella" infurmaziuns e chosas interessantas davart las activiteds quotidiaunas in vschinauncha – ella es dimena il spievel politic, culturel e sociel da Samedan. "La Padella" cumpera NOUV a partir dal 2024 quatter voutas l'an. Ella vain distribuida gratuitamaing in tuot las chasedas ed in tuot las abitaziuns da vacanzas da Samedan. 

Dapü infurmaziuns chattan Ellas suot:

www.padella.ch

Giavüschan Els ün abunamaint da "La Padella"? Per fr. 20.- (in Svizra) e/u fr. 40.- (in Europa) Als tramettains nus il magazin (4 ediziuns) ün an a l'inlungia a chesa.