Direkt zum Inhalt springen

Accesskeys

Populaziun

La statistica demografica as basa sün differents concepts demografics, chi’s refereschan darcho a differentas datas da controlla. Ad es perque important da resguarder adüna il concept demografic tschernieu, scha’s conguela statisticas demograficas.

Populaziun tenor il censimaint dal 2000

Part da la populaziun faun tenor il censimaint federel tuot las persunas – Svizzers ed esters – chi vivaivan a Samedan il di da controlla u chi vaivan deposito cò lur scrittüras. Decisiv es il domicil economic, q.v.d. il lö, inua ch‘üna persuna passainta la granda part da l’eivna ed inua ch’ella fo adöver da l’infrastructura.

La populaziun estra as cumpuona da domicilios, dmurants, stagiunaris e dmurants a cuort term. Cunfinaris, turists e passants nun and faun part.

Svilup da la populaziun totela tenor il censimaint dal 2000

Ulteriuras infurmaziuns:

www.statistik.admin.ch

Populaziun tenor la controlla d’abitants pels 31-12-2016

Als 31 december 2016 d’eiran registredas 3723 persunas tar la controlla d’abitants da Samedan. Seguond il bilauntsch da migraziun s’haun domicilios a Samedan 101 citadins svizzers düraunt l’an 2016, intaunt cha 126 haun banduno nossa vschinauncha. Que ho do 23 naschentschas e 25 mortoris da persunas domiciliedas a Samedan. Resguardand tuot las sorts da mutaziuns resulta ün bilauntsch da minus da 23 persunas per l'an 2016.

L’analisa da las persunas do il seguaint purtret:

Analisa da la populaziun seguond la controlla d’abitants pels 31-12-2016